Týskvøldið 17. september 2019 skipar Róðrarsambandið fyri kunnandi fundi um inniróður. Fundurin verður í ÍSF húsinum kl. 19.00.
Á fundinum verður kunnað um tær tríggjar úttøkukappingarnar, sum eru fyri framman. Eisini verður kunnað um luttøku í DM, EM og HM, sum verður í januar og feburar 2020.
Á fundinum fer landsliðsvenjarin, Magnus Debess Madsen at geva góð ráð og vegleiðing um venjing.
Venjarin kunnar um, hvussu arbeiðið við inniróðrinum verður skipað í heyst og fram til kappingarnar uttanlands.
Ætlanin er m.a. at skipa fyri felags venjingum millum kappingarnar, og venjarin veitir vegleiðing og hjálp til tey, sum hava tørv á tí í sambandi við venjing.
Øll eru hjartaliga vælkomin, bæði royndir sum óroyndir rógvarir, umboð fyri feløgini, foreldur o.o.
Møtið fjølment.
Nevndin
