Nevndin í Róðrarsambandinum vil við hesum bert minna feløgini á, at allar broytingar viðvíkjandi manningum skulu gerast gjøgnum tilmeldingarskipanina. Tvs. at kemur nýggjur rógvari umborð á onkran bát, ja so skal nýggjur manningarlisti sendast inn. Hetta skal gerast, hvørja ferð ein manning skiftir rógvara. Far inn á rsf.fo og vel “melda til”. Trýst loyniorðið, sum feløgini hava fingið upplýst. Síðani er bert at fylla teigarnar út og senda.

Nevndin kennir seg noydda at koma við hesi vinarligu áminningini fyri at venja feløgini við at brúka tilmeldingarskipanina heldur enn at senda okkum teldupostar um broytingarnar.

Eisini vera feløgini mint á at halda seg til tíðarfreistina í samband við broytingar í manningarlistunum. Tíðarfreistin er vanliga 5 dagar áðrenn næstu stevnu.