Kappingarárið er byrja:
Hvat var tað ikki fantastiskt at síggja tykkum øll aftur til kapping.
59 manningar løgdu leiðina út á Gøtuvík til ársins fyrstu Ódnartøk, har bæði kend og nýggj andlit royndu seg í spennandi róðrum. Tað var stuttligt aftur at merkja góða stemningin á keiini og síggja hvussu nógva gleði og spenning kappróðurin gevur.
Kappingarárið er nú av álvara farið í gongd, og fyrstu tøkini eru tikin. Vinnararnir av Ódnartøkum verða funnir eftir tvær kappingar, men hesir bátar liggja á odda eftir fyrstu Ódnartøkini í Norðragøtu:
Barnaróður dreingir: Fípan Fagra, KRF
Barnaróður gentir: Havfrúgvin, VÍF
Dreingir 14-16: Firvaldur, FSR
Gentir 14-16: Gulin, HR
Dreingir 17-18: Fípan Fagra, KRF
Gentir 17-18: Kjósin, KÍF
5-mannafør kvinnur: Fípan Fagra, KRF
6-mannafør menn: Sundabáturin, NHR
6-mannafør kvinnur: Víkingur, HR
8-mannafør: Ørvur, HR
Næst á skránni eru Ódnartøk á Eiði 16. mai, áðrenn FM-kappingarnar byrja. Sum vant verður Norðoyastevna í Klaksvík fyrsta FM-stevnan, ið verður 30. mai.
Vit gleða okkum til eitt spennandi summar við nógvum góðum róðrum, tøttum kappingum og góðum løtum saman kring landið.
