ÁRSINS ELDSÁL Í KAPPRÓÐRI
Uppskot
Ársins Eldsál í kappróðri er ein persónur, sum við stórum sjálvbodnum arbeiði, eldhuga og trúfesti hevur gjørt ein serligan mun fyri felagsskapin í nærumhvørvinum seinastu árini.
Heiðurin kann latast einum venjara, bátaábyrgdara, nevndarlimi, hjálparfólki, stevnuábyrgdara, samskipara ella øðrum, sum við sínum arbeiði hevur styrkt felagsskapin og verið við til at skapa góðar karmar fyri rógvarar, felag og føroyska kappróðrarumhvørvið.
Í grundgevingini kunnu tit greiða frá, hvussu viðkomandi, sum tit skjóta upp, eitt nú:
- Er við til at skapa eitt gott og mennandi umhvørvi í neystinum
- Leggur tíð og orku í arbeiðið fyri rógvarar og felagið
- Er ein góð fyrimynd og ber virðini í føroyskum kappróðri víðari
- Hevur ein jaligan hugburð og dugir at savna fólk
- Altíð er klár/ur at taka eina hond í, tá tørvur er á tí
- Hjálpir við at fáa venjingar, bátar, útgerð og stevnur at rigga
- Arbeiðir fyri bæði breidd, ungdómi og framtíðini hjá kappróðrinum
- Við sínum innsatsi ger ein mun, sum ofta fer fram uttan fyri rampuljósið
Arbeiðsgongd
- Øll kunnu senda inn uppskot um, hvør skal fáa heiðurin sum Ársins Eldsál í kappróðri.
- Starvsnevndin hjá Róðrarsambandi Føroya viðger innkomnu uppskotini og tekur endaliga avgerð um, hvør fær heiðurin sum Ársins Eldsál í kappróðri.
Ein persónur verður kosin Ársins Eldsál í kappróðri hvørt ár. Starvsnevndin kann taka avgerð um, at eingin heiður verður latin, um mett verður, at eingin innstilling lýkur treytirnar.
