Seinasta heystkappingin í inniróðri verður í Ítrottarhøllini í Kollafirði leygardagin 30. november 2019.

Fyri at samlað alla orku saman um inniróðurin, fara vit hesaferð eisini at skipa fyri stafettkapping fyri lið. Hetta verður ein kapping ørvísið enn hana vit vanliga kenna frá FM í inniróðri, men minst líka áhugavert, um ikki meira. Kappingin verður skipað eftir sama leistið sum til altjóða kappingar EM og HM.

Stafettin: Teinurin er 2000m – Luttakarar eru 4 – Hvør luttakari rør 250m hvørja ferð – Luttakarin hevur ein luttakarastav í hondini – Hvør luttakari stendur minst 10 m frá maskinuni áðrenn byrjan – Tá luttakarin er liðugur at rógva skal hann minnast til luttakara stavin, renna yvir til liðfelagirnar ið standa aftanfyri 10 m frástøðu linjuna – Næsti luttakari kann renna yvir til maskinuna at rógva tá hin luttakarin er komin innum 10 m linjuna og fingið luttakarastavin í hondina. Tað verða gentur/kvinnur og dreingir/menn í hvør sínum bólki fyri síðan seinasta bólkurin verður blandað tvey av hvørjum kynið.

Tilmeldingargjaldið er 100 kr. fyri heystkappingina og FM (og stafettkappingina). Peningurin skal flytast á konto hjá RSF kto.no. 9181-185.097.2, viðmerkt navn á luttakara.

Tilmeldingin skal sendast til innirodur@rsf.fo.
Tit skulu upplýsa navn, bústað, føðingardag og hvat felag, tit eru limir í. Eisini skulu tit skriva um tit rógva tung- ella lættvekt.
Sí annars kunning um kappingarnar á:  https://rsf.fo/innirodur-2019-20/

Freistin at melda til kappingina er hósdagin 28. november 2019.