Nevndin í Róðrarsamband Føroya er aftur fullmannað

Eykaaðalfundur varð hildin í gjárkvøldið í Róðrarsambandi Føroya, har val av nevndarlimum var einasta evnið á skránni.

Ein verandi nevndarlimur stillaði upp til formanssessin, meðan eitt nýtt valevni stillaði upp til næstformannssessin. Bæði vórðu einmalt vald av teimum 19 feløgunum, sum høvdu valrætt á fundinum.

Nýggja nevndin í Róðrarsamband Føroya er nú hendan:

• Petur Hansen, formaður
• Vár Guriardóttir Hansen, næstforkvinna
• Mira Winther Klit, nevndarlimur
• Rebekka Jacobsen, nevndarlimur
• Henrik Rahbek, nevndarlimur
• Unn Eldevig Petersen, nevndarlimur

Eykalimir:

• Jógvan S. Midjord
• Elias Zachariassen

Við hesum er nevndin aftur fullmannað, og Róðrarsambandið heldur fram við nýggjum kreftum í nevndini.

Vit ynskja nývaldu nevndarlimunum blíðan byrð og gott áralag í tíðini sum kemur.

Samstundis vilja vit  nýta høvið at takka fráfarandi nevndarlimum fyri teirra frívilliga íkast til tjóðarítróttina. Arbeiðið hjá sambandinum hevur verið í rúkandi menning seinastu árini, og tað sæst aftur í vaksandi áhuganum hjá okkara ungdómi at luttaka í kapp- og inniróðri.