Nevndin í Róðrarsambandi Føroyra skal við hesum boða frá, at róðrarfestivalurin, sum av røttum skuldi vera í gamla Argja skúla leygardagin 2. mai, er avlýstur vegna ov lítla undirtøku.
Nevndin er sera hørm um at hava tikið hesa avgerð, men tá freistin at boða frá luttøku var farin, høvdu alt ov fáir luttakarar tekna seg til tiltakið. Tí helt nevndin ongan annan møguleika vera enn at avlýsa tiltakið hesuferð.
Við róðrarkvøðu,
nevndin í RSF.
