Sunnudagin 31. mai kl. 1400 skipar Róðrarsambandið fyri einum samansettum fundi/undirvísing fyri allar róðursmenn og øll róðursfólk. Endamálið við fundinum er at kunna um ymisk viðurskifti, sum kunnu vera hent at hava sett seg inn á, nú kappingarárið av álvara nærkast. Afturat fundinum verður serstøk undirvísing fyri róðursfólk.

Fundurin verður í ÍSF-húsinum.

Vónandi vera ymisku manningarnar væl umboðaðar til fundin, so øll hava møguleika fyri at vera so vælfyrireikaði sum gjørligt til kappingarárið, sum byrjar um eina viku.