Róðrarsamband Føroya skipar fyri kappingum í inniróðri.
Kappingarnar verða skipaðar sum grand prix kappingar í fýra umførum, har seinasta kappingin eisini verður um føroyameistaraheitið (FM).
Kappingarnar verða skipaðar á hesum støðum:
- í Sørvági – 2. oktober 2021
- í Runavík – 6. november 2021
- á Argjum – 4. desember 2021
- við Streymin – 12. mars 2022 (FM)
Stigabýtið í grand prix kappingun um verða soleiðis: nr. 1 fær 7 stig, nr. 2 fær 6 stig, nr. 3 fær 5, stig, nr. 4 fær 4 stig, nr. 5 fær 3 stig, nr. 6 fær 2 stig og nr. 7 fær 1 stig.
Til tríggjar tær fyrstu grand prixkappingarnar eru vektflokkarnir +2,5 kg, tvs. fyri kvinnur er markið 61,5 + 2,5 kg, og menn 75 + 2,5 kg. Til seinastu grand prix kappingina og FM er markið fyri kvinnur 61,5 kg og menn 75 kg.
Kunnað verður um, at freistin at melda til kappingarnar í inniróðri 2021/22 er leygarkvøldið 25. september 2021 kl 23.59 Luttøkugjaldið er 100 kr. í alt fyri grand prix kappingarnar í fýra umførum, har seinasta kappingin eisini er um føroyameistaraheitið (FM). Luttøkugjaldið er 100 kr., sjálvt um róð verður í einari ella øllum kappingunum.
Nærri kunning um vektflokkar og tilmelding kemur í komandi viku.
