Heimsmeistaraheitið í langróðri

Høvuðsstuðul

langteiurLeygardagin 22. august verður tann árligi Sjómannadagurin í Klaksvík. Í hesum sambandi, verður eitt nýtt kappróðrartiltak á skránni, ið vit nevna “Heimsmeistaraheitið í langróðri” og byrjar tað klokkan 13.00.

Kappast verður í tveimun bátastøddum, 6- og 5-mannaførum. Menn ella blandaðar manningar rógva við 6-mannaførum, meðan kvinnur rógva við 5-mannaførum. Aldursmarkið er sett til at vera 14 ár.

Teinurin, ið rógvin verður er áleið 8,5 kilometrar og verður róð frá núverðandi máli í Klaksvík, norður til byrgingina í Haraldssundi og aftur til málið í Klaksvík. Starturin verður leysur og við niðurteljing.
Róðrarsambandið kemur við nærri kunning um kappingina, reglar og praktisk viðurskifti í august.

Til ber at melda til nú, tað skal gerast við at senda ein teldupost til [email protected], við bátanavni, navni á bátsformanni og telefonnummar. Freistin at melda til er 20. august.

Heiðursmerkir og steyp verða latin til nummar 1,2 og 3. Somuleiðis verður ein vinningur latin til vinnandi manningarnar.

Við vón um góða undirtøku
Róðrarsamband Føroya

FLEIRI TÍÐINDI

FB_IMG_1715291767421
ÚRSLIT ÓDNARTAK 2 – 2025 (MIÐVÁGUR)
FB_IMG_1746829005818
STROYMING ÓDNARTAK 2 - 2025
FB_IMG_1746828979420
MANNINGAR TIL ÓDNARTAK 2 2025
FB_IMG_1746719481475
STARTRØÐ - ÓDNARTAK 2 2025 Í MIÐVÁGI
IMG_0800
RÓÐRARSAMBANDIÐ Á TRYGDARSKEIÐ
2kM33pzi
Gullnál ÍSF’s til Hans Petur Hansen
1 2 3 66
Scroll to Top