Leygardagin 8. september skipaði Róðrarsamband Føroya fyri móttøku fyri Halli Ellingsgaard,
sum í ár hevur verið dómari í 40 ár í føroyskum kappróðri.
Hallur Ellingsgaard úr Oyndarfirði byrjaði fast sum dómari í kappróðri. Hetta var á
Norðoyarstevnu 1978. Hallur var tá hjálpari hjá startdómaranum. Áðrenn hetta hevði Hallur
dømt hendingar róðrar.
Millum rógvarar er Hallur best kendur sum startdómari, men røkir
hann eisini uppgávurnar sum høvuðs- og máldómari.
Á samkomuni handaði Sigurð Rasmussen frá ÍSF Halli silvurnál ÍSFs fyri hansara 40 ára langa
sjálvbodna íkast til tjóðarítrótt okkara.
Hallur er framvegis virkin sum dómari, og nýta hini í dómaratoyminum gott av hansara
drúgvu royndum.
RSF takkar fyri sera gott samstarv hesi mongu árini, og ynskir Halli góðan byrð framyvir.
