Áminning !

Nevndin í Róðrarsambandinum vil við hesum bert minna feløgini á, at allar broytingar viðvíkjandi manningum skulu gerast gjøgnum tilmeldingarskipanina. Tvs. at kemur nýggjur rógvari umborð á onkran bát, ja so skal nýggjur manningarlisti sendast inn. Hetta skal gerast, hvørja ferð ein manning skiftir rógvara. Far inn á rsf.fo og vel "melda til". Trýst loyniorðið, sum feløgini hava fingið upplýst. Síðani er bert at fylla teigarnar út og senda. Nevndin kennir seg noydda at koma við hesi vinarligu áminningini fyri at venja feløgini við at brúka tilmeldingarskipanina heldur enn at senda okkum teldupostar um broytingarnar. Eisini vera feløgini mint á at halda seg til tíðarfreistina í samband við broytingar í manningarlistunum. Tíðarfreistin er ... Mere

Startrøðin á sundalagsstevnu

Leygardagin 13. juni verður annar FM róðurin rógvin á Kollafirði. Startrøðin á sundalagsstevnu sæst við at trýsta á leinkjuna. Mere

Almenn umbering til manningina á Nólsoyingi

Í samband við hendingina á norðoyastevnu farna vikuskiftið, tá manningin á Nólsoyingi av órøttum var løgd undir at hava brotið grein 4  í reglunum hjá Róðrarsambandi Føroya viðv. báti og trygd, vil nevndin í Róðrarsambandinum fegin taka í egnan barm og alment umbera mistakið. Listin hjá lærmonnunum á Nólsoyingi, sum alt kjakið snúði seg um, var als ikki ólógligur, sum tað annars var borið fram av Róðrarsambandinum. At listin mátti takast úr bátinum, man heilt sikkurt hava órógvað manningina á Nólsoyinginum sera nógv í róðrinum hendan dagin, og tað harmast nevndin í Róðrarsambandinum um. Men gjørt er gjørt, og nevndin kann ikki annað enn læra av hesum og syrgja fyri, at sama mistak ikki hendir aftur. Mere

Úrslit og kort

Heimasíðan hjá RSF er dagførd soleiðis, at tað nú ber til at síggja úrslitini frá stevnunum her á síðuni. Vit at velja ÚRSLIT í ovasta bjálkanum, síggjast úrslitini frá róðrunum á norðoyastevnu farna vikuskiftið. Eisini ber til at síggja kort yvir tey ymisku róðrarøkini, sum fara at vera nýtt hetta kappingarárið. Við at velja STEVNUR í ovasta bjálkanum og síðani trýsta á ymisku stevnurnar ber til at síggja kort yvir júst tað róðrarøkið, sum man hevur hug at hyggja nærri eftir. Mere